Mamol e eseche ma sani en ni jaohala mang’ula laktar S. K Macharia ma bende en wuon Royal Media, motingo ute fwambo weche mag nyakalondo (radio) mabuora kod mago mag wang’ jowi madirom apar gi abich e pacho kae
kanyakla, magi notimore odhiambo manyoro chak juma kama ne jaohala laktar noneno ni ber mondo oyau alanga Wang jowi mar Ramogi, TV ma biro chualo kendo keyo weche mag oala, siasa, dak makare, somo, thieth, weche dongruok kod mamoko e pinywa ma kaluowa ka eri.
Nyasi ma ratipo nokwako ngweng’ ma buore Nairobi elak odhiambo saa achiel, eseche mane iyawo od fwambo wecheno alanga kama bende jolendo ne oyudo thuolo mar rwako jowinjo duto e od Luo duto.
Puoch kod pak nodhine laktar S.K Macharia mongere kaka ja ohala marauma epacho kae gi lange kendo osiep jatend oganda mar Luo moluor Raila Amolo Odinga.
Kane giwuoyo ewi wachno, moluor Raila Amolo Odinga kaka achiel kuom jotend joluo mane owuoyo nopuoyo matek mokalo ni en wach makare mabiro miyo joluo thuolo mar goyo mbaka gi giwegi, kendo keyo weche mag oala eyo mayot kod weche mamoko.
Ramogi TV en od fwambo weche mar wang’jowi mar adek e kanyakla mar Royal Media Services bang mano mar Citizen Tv malendo gi oswayo kod dho ngere kod Inooro Tv malendo gi dho atwara.
Ute moko mag fwambo manie kanyakla ni gin apar kod adek 13 Mag nyakalondo Chalo kama eri;- Radio Citizen, Ramogi FM, Inooro FM, Hot 96, Musyi FM, Chamgei FM, Muuga FM, Bahari FM, Mulembe FM, Wimwaro FM, Sulwe FM and Vuuka FM ka mago mag Wang jowi gin;- Citizen TV, Inooro TV ka mago mag mbuyi en Citizen Digital.
Jolendo mag joluo mabiro chwalo weche lendo e odno mar fwambo gin kaka Trevor Ombija, Sharon Ong’ao, Cleophas Oluoch, Joyce Oduor, George Bati, Lydia Okeo, Ochieng Emmanuel, Syprose Okinda and Jael Lieta.
Ne jogo madwa neno Ramogi TV nyalo yao citizen Digital app, ADN, YouTube, viusasa gi mamoko. Ramogi TV, ma tomarwa.